bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Sa “Editorial Moll” in catalanu cùngiat! Sinnale malu!

Pro more de sas dificultades de s'economia e s'essida de modalidades noas de informatzione: internet e sos libros eletrònicos.

In un'artìculu “Editorial Moll, adéu… o a reveure?” publicadu su 20.10 dae www.nuvol.com, Isidor Marí, presidente de sa “Secció Filològica de l’IEC”, s'Istitutu de Istùdios Catalanos, at faeddadu cun dispraghere de s'annùntziu chi EDITORIAL MOLL, sa sotziedade editoriale in catalanu prus antiga e famada de sas Baleares, at fatu in sar ùrtimas dies: tancat, serrat, cùngiat s'atividade sua, non pùblicat prus nudda. MOLL est finas s'editore de sa versione eletrònica su Diccionari català-valencià-balear (DCVB) de A. M. Alcover i F. de B. Moll, postu in web paris cun su IEC: http://dcvb.iecat.net/.

Una noa mala pro sos catalanos ma finas pro chie, che a nois, produit libros in sardu.
Est connota oramai sa crisi de s'editoria in totue, pro more de sas dificultades de s'economia e s'essida de modalidades noas de informatzione: internet e sos libros eletrònicos.
Non nos ispantat chi siant in dificultade manna sos editores in limba sarda, ca ischimus chi non tenimus assòtzios de letores militantes e b'at pagu sensibilidade pro sa limba iscrita in sa sotziedade e in su guvernu locale e sardu.

Fortza e debilesa de sa limba catalana
Ma nos ispantat chi sa crisi pertochet sa limba catalana. Est beru chi pro un'editore chi sessat de publicare in catalanu bi nd'at àteras deghinas o chentinas; chi s'iscola e sos libros de iscola funtzionant in catalanu; chi s'amministratzione, s'economia, sa cultura, s'informatzione funtzionant in catalanu.
Sa crisi de sas Ed. Moll est sinnale malu però. 
E nàrrere chi su prus de sos Catalanos tenet in favore suo sa cussèntzia de èssere una natzione e de tènnere una limba natzionale! E nàrrere chi in contu de limba sunt coerentes, perseverantes, costantes e... disciplinados.

Cheret nàrrere chi finas pro una limba comente su catalanu tocat a èssere semper ischidos, ativos, produtivos, pro èssere bios.


#Diegu Corràine

» in segus