bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


A aumentare s'impreu sotziale de sa limba basca

Est s'obietivu de su Programa nou pro s'euskera

S'ùrtimu  Programa de Atzione pro sa Promotzione de s'Euskera fissat, comente obietivu prioritàriu pro sos deghe annos chi benint,  su de minimare sa distàntzia intre sa connoschèntzia  e s'impreu de sa limba basca. Su Cussìgiu Cunsultivu de s'Euskera, òrganu chi ponet in pare istitutziones pùblicas e espertos de sa matèria, at dadu lughe birde  a custu documentu istratègicu.
Sa netzessidade de ispainare s'utilizu sotziale  de s'euskera si bidet crara dae s'inchiesta sotziulinguìstica  fata connoòschere pagas dies a como. Dae custu istùdiu resurtat  un'aumentu  de su nùmeru  de pessones chi sunt bonas a faeddare e a iscrìere in euskera, ma, in su matessi tempus, un'arressada in s'aumentu de sos tzitadinos  chi impitant sa limba basca in forma abituale.
Custu Programa nou, tando,  previdet , pro pònnere remèdiu a custa situatzione, 330 atziones agrupadas in sèighi àreas: trasmissione familiare, insignamentu, euskaldunizatzione, amministratzione, tzircuscritziones bascas, campu econòmicu, disvagu, cultura, publitzidade, calidade de s' euskera, istampa, tecnologías de s'informatzione, sensibilizatzione, motivatzione, projetzione interna e esterna.

#Sarvadore Serra

» in segus