bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Su Termcat de Bartzellona at publicadu su Ditzionàriu de sa neurosièntzia

L'ant presentadu in s'auditorium de La Pedrera in ocasione  de s'Annu de sa Neurosièntzia 2012

Su Ditzionàriu de neurosièntzia collit e definit unos  2.000 tèrmines in catalanu cun sos currispondentes in ispagnolu e inglesu; pro nàrrere, cabdell neurofibril·lar, dopamina, funció visuoespacial, lateralització, llindar d’excitabilitat, model de Hodgkin-Huxley, neurona mirall o simultagnòsia.
Su ditzionàriu l'at elaboradu unu grustu de espertos  universitàrios chi in mesu issoro b'at  Antoni Valero, autore printzipale, e Xavier Navarro e Josep Reig, autores ispetzialistas  e coordinadores sientìficos de s'òpera.  Su TERMCAT at assùmidu sa diretzione globale de su progetu,  cun sa collaboratzione  de sa Xarxa Vives d’Universitats e s'agiudu  de s’ Obra Social de CatalunyaCaixa e de su  Dipartimentu de sa salude  de sa 
Generalitat de Catalunya.

Durante sa presentada, chi b'ant leadu parte prus de 200 pessones , Rosa Colomer, diretora de su TERMCAT, at bantadu  su valore pràticu  e simbòlicu de su ditzionàriu, dedicadu a una disciplina d'avanguàrdia  generadora de tèrmines noos chi sunt istados istudiados a fundu e sunt istados inseridos in su catalanu . Josep Reig e Xavier Navarro, coordinadores sientìficos de s'òpera,  ant faeddadu de sa trasversalidade e de sa difusione manna de sa neurosièntzia, e de su traballu cumplessu de grupu chi at fatu possìbile chi s'òpera esseret essida a campu. Pro parte sua, Salvador Garcia, diretore de s' "Àrea de Coneixement" de s’ Obra Social de CatalunyaCaixa, at rimarcadu su suportu de s'istitutzione a custa initziativa importante  in s' Annu de sa neurosièntzia. Est intervènnidu finas  Francesc Sancho, segretàriu de "Estratègia i Coordinació" de su Dipartimentu de sa salude; Xavier Solà, segretàriu generale de su Dipartimentu de Cultura, i Jordi Montaña, presidente de sa Xarxa Vives d’Universitats.

S'òpera l'ant publicada in pabiru e si podet finas consultare in lìnia in sa regorta  Diccionaris en Línia, in su situ de su  TERMCAT (http://www.termcat.cat/ca/ Diccionaris_En_Linia/140/Presentacio/).


#Sarvadore Serra

» in segus