bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Est creschende sa connoschèntzia de s'irlandesu in Éire

Ma est galu problemàtica sa difusione sotziale de sa limba

Pagu prus de  1.77 milliones de pessones in sa Repùblica de Irlanda ant  decraradu chi ischint a faeddare in irlandesu, a su chi resurtat dae sos datos CENSUS de su 2011. Custu cheret nàrrere chi oe su  41.4% de sos tzitadinos sunt a tretu de faeddare in irlandesu , cando chi in su 2006 fiant su 40,8% . Comente a su sòlitu in Irlanda, sos giòvanos mustrant sa mègius connoschèntzia de sa limba: su 73.7% de sos chi tenent intre sos  10 e sos 14 annos  e su 64.2% de sos chi tenent intre sos 15 e sos 19 annos decrarant  sa capatzidade issoro de faeddare in irlandesu, Custa proportzione nche falat a una mèdia de su   35% cando si leant in cunsideru pessones chi tenent prus de 25 annos.

A dolu mannu, sos datos  peorant cando si leat in cunsideru s'usu sotziale. S'incherta mustrat  chi petzi  77.000 pessones faeddant in irlandesu cada die. Custu nùmeru escludet chentinas de mìgias de pessones chi impitant  s'irlandesu cada die petzi in iscola. Ateras 111,000 pessones impreant sa limba in foras de iscola a su nessi un bia in sa  chida. Unas 439.000 pessones narant  chi no impreant mai  sa limba  in foras de sa classe mancari siant a tretu de la faeddare

In su Gaeltacht (tzircuscritziones otzidentales  in ue s'irlandesu est reconnotu ufitzialmente comente limba predominante), su 69.5% de sas pessones ant decraradu chi faeddant in irlandesu

Mancari s'irlandesu siat sa limba natzionale de Irlanda  e una de sas limbas ufitziales de su paisu, pitzinnos medas l'istùdiant petzi comente matèria iscolàstica (su Gaeltacht est un'etzetzione). In foras de su  Gaeltacht, sos tzentros Gaelscoileanna dant un'insinnamentu de irlandesu mèdiu a unos 40.000 pitzinnos.


#Sarvadore Serra

» in segus