bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


SU Tribunal Supremo (TS) de Madrid contra a sa polìtica linguìstica catalana

de Diegu Corràine

De reghente su Tribunale Supremu de Madrid at bogadu una delìbera chi imponet a su guvrnu catalanu chi asseguret sa possibilidade de fàghere iscola finas in castiglianu in sas iscolas catalanas. Comente mai? Sas iscolas catalanas sunt totu in catalanu, francu duas oras sa chida de castiglianu!

Finas a como su Generalitat t rispostu NONO a custa impositzione, garantende chi at a sighire su modellu de immersione linguìstica totu in catalanu. In custu sunt de acordu totus, francu su Partidu Populare e setores sotzialistas tzentralistas. A nàrrere sa veridade, sa pretesa de su TS sighit sa lìnia polìtica de sos "populares" chi sunt contràrios a sa primatzia de su catalanu in Catalugna. E difatis, in Baleares, in Galiìtzia e in aterue, in ue su Partidu Populare est resessidu a leare su podere in su guvernu, est pratichende una polìtica contrària a sas limbas natzionales, chirchende de nch'iscontzare la polìtica linguìstica de sos guvernos de in antis.

Ma non est bastadu. In custas dies su matessi TC at impostu de abbandonare sa prevalèntzia de su catalanu in sas iscolas de s'infàntzia. Ma su guvernu catalanu de Artur Màs at rispostu chi nono.

Irene Rigau, assessore de s'educatzione at rispostu a Madrid chi no ant a cambiare mancu una ria in sa polìtica linguìstica de immersione.

In Sardigna, dìamus dèvere imparare dae sos Catalanos chi sa limba est su motore de s'identidade e de sa soverania e chi s'indipendentismu sena limba praticadu dae sos moimentos sardos non tenet sentidu.


#Diegu Corràine

» in segus