bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Publicadas in catalanu   sas normas de gestione de sos documentos

Si nd'est interessadu su TERMCAT de Bartzellona

Ant publicadu in limba catalana sas normas UNE-ISO 30300 Informatzione  e documentatzione. Sistemas de gestione de documentos. Fundamentos e vocabulàriui e  UNE-ISO 30301 Informatzione e documentatzione. Sistemas de gestione de documentos. Recuisitos. 

Sa famìlia de sas normas  ISO 30300 est dedicada a sos sistemas  de gestione de documentos  (SGD). Cuncretamente, sa Norma UNE-ISO 30300 collit sa terminologia de sa sèrie de normas e ispetzìficat sos obietivos e sos profetos  chi benint  dae s'implantatzione  de unu  SGD. Sa Norma UNE-ISO 30301, in càmbiu, inditat sos recuisitos netzessàrios pro implantare  unu SGD.

Su TERMCAT at bortadu  custas normas in ocasione de sa "die tecnica  subra de sas aplicatziones  de sa Norma UNE-ISO 30301 in sas impresas", ammaniada dae su Dipartimentu de Cultura de s' AENOR, chi ant fatu in custas dies  in Museu de Istòria de Catalugna.

Su TERMCAT s'interessat de s'elaboratzione  de sa versione ufitziale catalana de sas normas  UNE dae su  2005, s'annu chi su TERMCAT e s' AENOR, (Assòtziu Ispagnolu de Normalizatzione e Tzertificatzione) ant firmadu un'acordu de collaboratzione. Sa protzedura chi si sighit in sa tradutzione de sas normas  at otentu sa tzertificatzione  AENOR de sos sistemas de gestione de sa calidade  ISO 9001  e s'adeguat  a sos recuisitos istabilidos dae sa  norma europea UNE-EN 15038 de servìtzios  de tradutzione. Si podet consultare  sa relatzione  de normas UNE disponìbiles  in catalanu  in su  web   de su TERMCAT.

Pro otènnere custas normas e àteras, si podet andare a s'indiritzu de  AENOR o de su l Col·legi d'Enginyers Industrials de Catalunya.


#Sarvadore Serra

» in segus