bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


IMPARARE SA LIMBA BASCA A GENTE MANNA IMMIGRADA. E SU SARDU?

Idea bona chi sa Regione Sarda diat dèvere leare pro imparare su sardu a sos immigrados

Cumintzat dae custa chida in Errenteria (Paisu Bascu) unu progetu pro imparare a faeddare sa limba basca a gente manna immigrada.

Su grupu s'at reuniré cada lunis dae sas h 4 e mesa a zas 5 e mesa in su locale de s'assòtziu Lau Haizetara, cara a cara cun s'istatzione de Euskotren. Sas letzione sunt gratuitas e no set òbbrigu a si che marca in antis.
Sa parte importante de sas reuniones est sa comunicatzione in euskera, ma su progetu cheret finas fàghere crèschere sa cunvivèntzia de sas pessones e de sas culturas. Su progetu est organizadu dae s'assòtziu BANAIZ BAGARA,  chi traballat in comunas medas de Gipuzkoa, paris cun su dipartimentu de euskera de sa Comuna de Errenteria.

Un'esperièntzia importante meda, custa de sos cursos pro immigrados, chi sa Regione Sarda diat dèvere praticare, pro integrare sos immigrados in sa cultura e identidade sarda. A dolu mannu, imbetzes, sa RAS organizat… cursos de italianu. Su movimentu natzionale sardu si diat dèvere mobilitare pro pretèndere cursos de sardu pro immigrados a sa Regione Sarda.

[dae DIARIOVASCO]


#Diegu Corràine

» in segus