bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


ACADÈMIA DE SA LIMBA ASTURIANA

S'asturianu, limba de Astùrias (Istadu ispagnolu)faeddada dae unas 450.000 pessones.

S'Acadèmia de la Limba Asturiana (in asturianu Academia de la Llingua Asturiana) est un'ente de su Guvernu de Astùrias fundadu su 15 de nadale de su 1980 pro istudiare, normativizare, promòere e normalizare s'asturianu.
In su 1981 s'Academia at publicadu sas primas normas de iscritura istandard: Normes Ortográfiques y Conxugación de Verbos. A pustis sa Gramática de la Llingua Asturiana in su 1998 e in su 2000 su Diccionariu de l'Academia de la Llingua Asturiana.
Pùblicat finas Lletres Asturianes (bulletinu ufitziale de s'istitutzione), e àteros libros chi pertocant sa limba, sa literadura e sa cultura asturiana: Cultures. Revista de cultura asturiana y Lliteratura. Revista lliteraria asturiana. In prus custas sèries de libros: Toponimia (de toponomàstica), Llibrería Llingüística (istùdios filológicos), Preseos(vocabularios), Cartafueyos Normativos (testos normativos de aplicatzione in su protzessu de normalizatzione sotziale de sa limba asturiana), Llibrería Académica (creatzione literària), Escolín (infantile), Lliteratura Xuvenil,CuquielluMázcara (teatru)...
Cada annu, dae su 1982, tzèlebrat sa Día de les Lletres Asturianes, sas Xornaes Internacionales d'Estudiu e suAlcuentru "Llingua Minoritaria y Educación", biennale.
S'Academia tenet 23 membros ordinàrios, 19 membros currispondentes e 15 acadèmicos de onore. Sos acadèmicos non leant nudda pro s'incàrrigu issoro ma traballant de badas.

In s fotografia, Ana Cano, Presidente de s'Academia dae su 2001


#Diegu Corràine

» in segus