bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Su Guvernu catalanu inàugurat sitos web petzi in catalanu

Austeridade econòmica o progetu polìticu catalanista? S'ispagnolu esclùdidu pro non gastare dinare in prus!

Sa Generalitat de Catalunya, su Guvernu catalanu, at postu in funtzione eris su portale govern.cat, una pàgina web noa pro ghetare messàgios polìticos diretos a sos tzitadinos, sena colare in sos mèdios de infomatzione agenos.
Sa cosa noa est chi custu portale est in catalanu ebbia, sena pàginas in ispagnolu, ca a lu fàghere finas in castiglianu diat costare dinare.
In sa matessi manera, su Guvernu catalanu at cambiadu su contu de Twitter (chi como si narat @govern) e at torradu a nou sa pàgina web de su presidente autònomu (president.cat). Mancu unu de custos portales noos est in castiglianu!. "Est previstu chi siat una prataforma multilìngue, ma custu costat dinare. Como amus fatu su chi podìamus fàghere sena gastare", ant giustificadu dae su dipartimentu autònomu de sa Presidèntzia.

De seguru, custu pessu nou currispondet a una visione noa de Convergència Democràtica de Catalunya, istabilidada in su cungressu de unu mese a como in ue su partidu chi guvernat in Catalugna ponet sa posta pro ‘fraigare unu'Istadu pròpiu' pro sa Catalugna.

E nois ite podimus nàrrere abbaidende sas cosas dae Sardigna? Chi, a su contràriu de Catalugna, in Sardigna belle totu sos sitos istitutzionales sunt in italianu ebbia. E chi si calicunu tenet finas su sardu, lu ponet in manera minoritària, ocasionale e subalterna a s'italianu. Bastat a bìdere su de sa RAS!

In sa fotografia: su presidente catalanu Artur Mas

#Diegu Corràine

» in segus