bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Una lege noa pro sa limba gallesa

Sas cumpangias prus mannas chi dant unu servìtziu a su pùblicu ant a dèvere impreare su gallesu in "manera resonàbile e proportzionada".

Sa limba gallesa  at a tènnere prus importu, a pustis de unu votu in s'Assemblea Natzionale  de su Galles,  in Caerdydd/Cardiff, su sete de nadale de ocannu.

Sa mesura, chi at a èssere lege s'annu chi benit, est su providimentu prus importante aprovadu in custu campu a pustis  de sa Lege pro sa limba gallesa de su 1993. 

Mancari custa lege noa no interesset su prus de su setore privadu in su Galles, semper e cando  òbligat sas cumpangias prus mannas  chi dant unu servìtziu a su pùblicu, che a sas cumpangias telefònicas, a impreare sa limba gallesa in una  " manera resonàbile e proportzionada ".

In prus,  unu  Language Commissioner at a nàschere pro monitorare s'usu de su gallesu, e  unu Welsh Language Tribunal e unu  Welsh Language Partnership Council ant a èssere costituidos  pro afortire sa positzione de sa limba  in mesu de sos utentes.

A nàrrere su beru, b'at de èssere cuntentos a medade pro custu providimentu: a un'ala, difatis, non totu sas cumpangias privadas ant a èssere interessadas, e sa ditzione pagu  crara "resonàbile e proportzionadu" at a chèrrere nàrrere chi s'aplicatzione in cuncretu at a cambiare dae un' organzatzione a un'àtera; a s'atera, non b'at un'afirmatzione inecuivocàbile chi sa limba gallesa est  ufitziale.

In s'assemblea sunt istados presentados  emendamentos pro megiorare sa lege, ma los ant  botzados.


#Sarvadore Serra

» in segus