bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Un'istùdiu cumparativu subra de s'aragonesu, su làpone e su bosnìacu.

Su progetu presentadu dae tres istudiosos finlandeos

Sos profesores John Smeds e Annikki Konskensalo e sa borsista Katariina Mattita-Palo, de s'Universidade de Turku (Finlandia) ant presentadu in Huesca (comunidade autònoma de Aragona, Istadu Ispagnolu) unu progetu pro analizare sa parte chi tenet s'iscola in s'isvilupu  de sas limbas minoritàrias emergentes.

S'aragonesu (in sa fotografia, sas zonas in ue si faeddat custa limba), su làpone in  Isvètzia e su bosnìacu sunt sas tres limbas  chi custos istudiosos ant isseberadu pro fàghere un'istùdiu cumparativu subra de sa situatzione atuale e subra de sas initziativas chi sunt in  campu. "Creimus chi tocat  a nd'ischire de prus  a propòsitu de s'insinnamentu de sos  idiomas; in prus, sa connoschèntzia de àteros mètodos podet abèrrere caminos pro megiorare  su cuntestu linguìsticu in Finlàndia", at pretzisadu John Smeds.

Pro su chi tocat, in particulare, sa limba aragonesa, Smeds at naradu chi "Cumprendo chi s'aragonesu est una limba chi est istada impreada pro sa comunicatzione orale, ma est importante a beru a l'insinnare e a l'iscrìere in sas iscolas si si cheret a la mantènnere bia. Pro custu, est vitale a l'istandardizare cun  una gramàtica curreta, in manera de nde pòdere elevare s'usu  a àteros livellos sotziales, comente   sas amministratziones pùblicas o  s'atividade econòmica", 

#Sarvadore Serra

» in segus