bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


«Apo a cantare in catalanu»

L'at naradu Shakira in sa presentada de su lantzu publitzitàriu de Freixenet

Sa cosa nos podet interessare dae curtzu, ca su catalanu, cunforme a sa lege 482, est limba tutelada in Sardigna.

De seguru interessat  a Shakira Isabel Mebarak Ripoll, cantante colombiana connota petzi comente Shakira e de orìgine in parte libanesa e in parte catalana.

S'artista, chi at a èssere testimòngia de sa fàbrica de ispumantes catalana Freixenet, at naradu, in sa presentada de su lantzu publitzitàriu , chi "mi diat praghere a cantare in catalanu".

"B'at una cantzone chi m'agradat, chi si narat  Boig per tu (Macu pro tene) de Sau,  e chi mi diat incantare a la pòdere cantare una die", at agiuntu. Una versione de custa cantzone, at pretzisadu, si diat pòdere inclùdere in un'album cun su tìtulu  de Boja per tu (Maca pro tene).

S'acordu intre Shakira e Freixenet impinnat s'impresa catalana cun sa Fundatzione de sa cantante  Pies Descalzos, pro ocannu e pro s'annu chi benit, cun una dotatzione annuale  de 500.000 de dòllaros, chi ant a èssere destinados a fraigare un'iscola  pro sos pitzinnos  in sa capitale  de Haití, Port-au-Prince, e  un'àtera iscola in sa localidade  colombiana de Cartagena de Indias. In prus , Freixenet at giradu  unu vìdeu promotzionale de sa Fundatzione Pies Descalzos.

In càmbiu de custu aportu, Shakira si impinnat  a girare s'annùntziu  de sa campagna  de Pasca de Nadale de ocannu in forma gratùita e sena retzire perunu cumpensu econòmicu.


#Sarvadore Serra

» in segus