bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


In defensa de sas minorias in Islovàchia

Sa proposta de su vitzepresidente de su Cussìgiu Rudolf Chmel

Su vitzepresidente de su Cussìgiu de sa Repùblica Islovaca Rudolf Chmel (in sa fotografia ), in rapresentàntzia de su partidu  ètnicu-ungheresu MOST-HID, at elaboradu unu progetu de lege pro minimare  dae su 20 a su 10 pro chentu su quorum ètnicu netzessàriu pro pòdere impreare  una limba de minoria  in sos cussìgios comunales.

 

Sa proposta normativa cunsentit  finas s'impreu cunsensuale e cuncordadu de sas limbas minoritàrias in sos atos  de s'amministratzione pùblica.     .

A pàrrere de  Chmel, in custa manera  si diat agiuare sa partetzipatzione  polìtica finas in sas zonas  in ue sunt presentes comunidades ètnicas minores  e in ue, a sos cussigeris de limba tedesca, rom e rutena, lis imponent  s'impreu  de s'islovacu in su cussìgiu comunale.

“Si semus  democràticos devimus pessare  a minimare  su quorum. Su 10% est su  lìmite chi, in suta suo, una minoria est assimilada” at naradu  Chmel.

 



 

#Sarvadore Serra

» in segus