bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Su piemontesu, limba de tutelare?

Lu diant chèrrere sa Lega Nord e su Partidu democràticu

Sa Lega Nord e su Partidu democràticu de su Piemonte ant pedidu paris su  reconnoschimentu de su piemontesu comente  limba minoritària  de tutelare. L'ant fatu  cun un'òrdine de sa die  cumpartzidu presentadu in su Cunsìgiu  regionale.

Issos diant chèrrere chi su  Parlamentu italianu  aprovet  unu providimentu  istatale pro permìtere a sa Regione de legiferare in propòsitu.

S'initziativa  arribbat a ses meses dae sa botzadura  dada dae sa  Corte Costituzionale a una lege regionale de su Piemonte, decrarada incostitutzionale pròpiu in sas partes chi faghiant  riferimentu a su piemontesu non comente  dialetu  ma comente limba.

Custa lege regionale l'aiant aprovada a s'unanimidade  in sa legisladura colada,  cando su guvernu de su  Piemonte fiat afidadu a su tzentrusinistra. Ma sa botzadura fiat arribbada  in su mese de maju coladu, a pustis de s'insediamentu  de su guvernadore leghista Roberto Cota, chi però aiat manifestadu deretu s'idea de bi torrare a proare.


#Sarvadore Serra

» in segus