bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Tocat a rispetare s'unidade de sa limba catalana.

L'at pedidu sa Xarxa Vives d'Universitats

Pro  sos Cursos Intensivos de Limba Erasmus (EILC) su Ministèriu de s'Istrutzione de Ispagna at publicadu unu bandu  pro su catalanu e unu pro su valentzianu 

Sa Xarxa Vives d'Universitats (sa rete de universidades intitulada a Joan Lluís Vives i March)  no est  de acordu e at pedidu chi si rispetet s'unidade de sa limba catalana.

De sa rete nde faghent parte 21 universidades de sa Comunidade Valentziana, de  Catalugna, de sas Baleares, de Andorra e de Frantza,

In su mese da cabudanni su presidente de sa Xarxa Vives aiat pedidu a su guvernu de fàghere unu bandu ùnicu.

Su guvernu, però, no nd'at tentu contu, e sas universidades lamentant chi "si mantenet  s'anomalia sientìfica e giurìdica  de fàghere diferèntzia intre su catalanu e su valentzianu ".


#Sarvadore Serra

» in segus