bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Prèmiu de 50.000 èuros a sa Fundatzione punt.Cat

Pro àere agiuadu a afortire sa cussèntzia de una comunidade natzionale catalana

Sa Fundatzione Lluís Carulla, direta dae Carles Duarte i Montserrat, at cuntzèdidu su prèmiu de Onore Lluís Carulla, de 50.000 èuros, a sa Fundatzione punt.Cat, entidade privada sena finalidade lucrativa chi gestit su domìniu de internèt .cat. Su prèmiu est cuntzèdidu “a pessones o entidades chi apant agiuadu a afortire sa cussèntzia de comunidade natzionale e su sensu de apartenèntzia a sa cultura de sos paisos de limba catalana”.

Sa Fundatzione puntCAT est un'entidade privada fundada su 28 de nadale de su 2004 e marcada cun su nùmeru 2100 in su Registru de Fundatziones de sa Generalitat de Catalugna. Sa finalidade fundativa est sa de promòvere cada genia de atividades relatzionadas cun sa creatzione, gestione e controllu de su registru de su nùmene de domìniu puntCAT e, in generale, de sa promotzione de sa limba e de sa cultura catalanas in s'àmbitu de Internèt e de sas tecnologias de s'informatzione noas. Intre sos  patronos fundadores de sa Fundatzione puntCAT, e comente suportu suo a sa candidadura pro a s'otenimentu de su dominet, tocat a sinnalare s’Istitutu de Istùdios Catalanos, sa Corporatzione Catalana de Ràdiu e Televisione. In prus in prus, 98 entidades e assòtzios (de totu sos logos in ue faeddant catalanu, de totu sos setores de sa cultura e atividade), 2.615 aziendas e 65.468 pessones ant dadu suportu craru a sa candidadura pro su dominet .cat, fatu chi at agiuadu de seguru a s’otenimentu.

In chimbe annos de esistèntzia, su nùmeru de webs registradas cun “.cat” at crèschidu finas a arribbare a sos 43.764 registros.

E, a cando puntuSRD?
E pro sa Sardigna e sa limba sarda? Diat tocare a nos mòere cun sa matessi fortza e disciplina de sos Catalanos. Finas a como b'at petzi un'assòtziu e una pàgina Facebook: puntuSRD

#Diegu Corràine


» in segus