bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Modulìstica finas in friulanu e islovenu

In sa Motorizatzione de Gorìtzia, immatriculatziones, patentes e revisiones trilìngues

Dae cras, in sa Motorizatzione de Gorìtzia, s'Amministratzione Pùblica at a fàghere unu passu a in antis pro afortire sas minorias linguìsticas. Difatis, totu sa modulìstica chi bisòngiat pro sas immatriculatziones, pro sas patentes e pro sas revisiones periòdicas (unu 85% de sa totalidade de sas pràticas) at a èssere presentada finas in friulanu e islovenu, in prus de s'italianu, pro sa prima bia in Itàlia.

Amus a resessire finas nois in Sardigna a fàghere su matessi? Diat èssere ora chi su sardu siat limba normale, duncas presente in totue, in cada àmbitu e impreu: dae sa cartellonìstica a sa sinnalètica, dae sos documentos e mòdulos chi servint a sos utentes a sos chi impreant sas Amministratziones e sos Entes cun su pùblicu. Mescamente sos documentos chi tenent visibilidade manna podent èssere una manera pro isvilupare sa limba sarda in manera moderna e dinàmica. Ma pro resessire in sa "normalizatzione" de su sardu bi bolet voluntade polìtica e polìtica linguìstica forte. Tocat a si mobilitare.

#Diego Corraine

» in segus