bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Friuli, sas "Cjantutis pai Fruts"

Premiadas sas cantzones binchidoras

In  San Vito al Tagliamento ant premiadu sos binchidores e sos singiolados in sa de tres editziones de su Cuncursu triennale  Cjantutis pai Fruts, promòvidu dae sa  Sotziedade Filològica Friulana e dae s’Usci Fvg.

Su cuncursu est nàschidu in su  1998 dae un’idea de su maistru Lucio Peressi pro promòvere sa produtzione de cumponimentos musicales noos pro pitzinnos  subra de testos in limba friulana; finas ocannu  b'at àpidu  una resessida bona, cun 43 traballos imbiados non dae su Friuli ebbia, ma finas  dae Genova, Roma e Bruxelles.

Primu classificadu  in sa categoria A (cumponimentos pro sos pitzinnos de s'iscola  de s'infàntzia  e de sas primas  duas classes de s'iscola primària ) est Andrea Venturini cun Ore di lâ a durmì. Su de duos est Arnaldo De Colle cun su dìticu  Mi plâs vê il cûr content.  Singiolados sunt Arianna Plazzotta (Viarç la puarte), Daniela Monica Bon (Ator dal pradessùt) e Tullio Visioli (Ande Burande).

In sa categoria B (cumponimentos pro sas ùrtimas  tres classes de s'iscola primària e pro s'iscola  segundària de primu gradu) duos sunt  isos binchidores ex aequo: Andrea Basevi (Paisaç cun filastrocje) e Daniela Monica Bon (Luna luna). Su de duos est  Gian Carlo Brocchetto (Mio ninin). Singiolados sunt  Arnaldo De Colle (O Signôr, frut encje tu) e Andrea Passerelli (Pastoral di Betlem e L’arbul dai legnuts).

Sas  Cjantutis pai fruts  las ant a publicare intro de pagu tempus, paris cun unu discu,  pro nde permìtere sa difusione in iscola e in mesu de sas famìlias friulanas.


#sarvadore serra

» in segus