bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Su bilinguismu ritardat finas de 5 annos s'Alzheimer

Cunforma a un'istùdiu de sientziados canadesos

Istudiados canadesos ant bogadu a campu sos resurtados de un'istùdiu chi diat mustrare comente su bilinguismu, praticadu cada die, podet agiuare a ritardare finas de 5 annos sa cumparta de sos sìntomos de s'Alzheimer, cunfirmende istùdios pretzedentes.

S'istùdiu, fatu dae sientziados de s'Istitutu Rotman de Toronto, l'ant publicadu in s'ùrtima editzione de sa rivista mèdica "Neurology" publicadu eris 9/11/2010.

Sos sientziados ant regortu datos de 211 pessones diagnosticadas comente malàidos probàbile de Alzheimer. De custos, 102 fiant bilìngues e 109 faeddaiant una limba ebbia.

Unu resurtadu, custu chi ant pòdidu osservare sos dotores canadesos, chi peruna meighina est capatza de produire pro unu tempus gosi longu.

Dr. Clark, su diretore de s'istùdiu, at decraradu: "Non naramus chi su bilinguismu podet prevènnere s'Alzheimer o àteras maladias mentales ma podet agiuare a fraigare riservas cognitivas in su cherbeddu chi diat pàrrere chi ritardent sa cumparta de sos sìntomos de s'Alzheimer pro una rata longa de tempus".

#Diego Corraine

» in segus