bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Ortografia noa de sa limba ispagnola

Dae su mese de Nadale de su 2010

Sa Real Academia Española, a pustis de unu traballu duradu annos, cun s'agiudu de sas 22 Academias de sa Limba de sos istados in ue est ufitziale s'ispagnolu, est a puntu de publicare, in su mese de nadale chi benit, sas règulas noas de s'Ortografia ispagnola.

Su testu de base de sas règulas l'ant aprovadu in sa riunioone chi b'at àpidu dae su 1 a su 3 de santandria in San Millán de la Cogolla (La Rioja, nord de Ispagna).
 
Pro si cunvertire in definitivu, at a chèrrere ratificadu dae sos diretores e presidentes de totu sas 22 Academias, a fines de santandria in Guadalajara (Mèssicu).

S'editzione noa de s'Ortografía, elaborada dae sas bintiduas Academias de la Lengua, non càmbiat sas règulas sustantziales ma cuntenet novidades interessantes: sa "y" s'at a cramare "ye"; in Amèrica no ant nàrrere prus "be alta" e "be baja" pro sa "b" e la "v", e "guión" e "truhán" no ant a tènnere prus s'atzentu.
In mesu de sas novidades, figurant finas sa pèrdida de s'atzentu in sa coniugatzione "o" in mesu de tzifras (5 o 6). E s'at a dèvere iscrìere "exministro", "exnovio", e no "ex ministro" o "ex novio".
 
Finas sos latinismos ant a èssere tratados comente paràulas istràngias, e iscritos in cursivu e sena atzentu: "ex cathedra", "casus belli", "deus ex machina".
 


In s'editzione noa, sas Acadèmias ant leadu su pessu  de cambiare s'iscritura cun "q" de unas cantas paràulas (Iraq, Qatar, quásar, quórum) ca costituint una "una incongruèntzia cun sas règulas". Duncas ant a chèrrer iscritas cun "c" o cun "k", cunforma a sos casos: Irak, Catar, cuásar cuórum.

In prus, b'at àteros disponimentos pro paràulas in ue nche cheret catzadu s'atzentu.


In fines, sa "ch" e sa "ll"  non sunt cunsideradas prus lìteras de s'alfabetu ma comente dìgrafos.

Pro totu sos àteros disponimentos, mannos e minores, at a tocare a isetare sa publicatzione definitiva, luego, in su mese de nadale.

#Diego Corraine

» in segus