bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Unu ditzionàriu nou pro sa limba galitziana

Bi sunt sas trascritziones fonèticas de 47.000 paràulas

Est essidu a lughe unu ditzionàriu nou pro sa pronùntzia de sa limba galitziana.
Ant chertu, a lu fàghere, s' Instituto da Lingua Galega (ILG) e sa  Real Academia Galega (RAG).
L' at elaboradu s'istudiosu Xosé Luis Regueira.
In su ditzionàriu bi sunt sas trascritziones fonèticas de 47. 000 paràulas, paris cun sos modellos de pronùntzia rispetivos. 
A su chi faghet ischire  sa Universidad de Santiago de Compostela, custa òpera est  «un'istrumentu importante a beru  pro sa normalizatzione de su galitzianu» ca permitet de istabilire  unu modellu  de pronùntzia «istandard». 
Sos utentes de su Diccionario de pronunciación da lingua galega  sunt siat sos chi cherent istudiare sa limba, siat sos professionista chi tenet bisòngiu de una pronùntzia istandard (giornalistas, dupladores, atores e totu gasi).

# Sarvadore Serra

#Sarvadore Serra

» in segus