bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Chentu tèrmines noos pro sa limba catalana

Los at aprovados su TERMCAT

In s'ìnteri chi in Sardigna semus galu tzarrende de "cale sardu" impreare in iscola, in sos mèdios de informatzione e in s'amministratzione pùblica, in Catalugna ant bogadu  a campu àteros chentu tèrmines noos.
Aerofòbia, dada basal, grup de control, informàtica en núvol, panel, preqüela, reconstrucció de marca, torii  sunt petzi calicunu  de sos neologismos  aprovados de reghente dae su TERMCAT, s'òrganu chi òperat dae 25 annos in custu  setore  in collaboratzione cun sa Secció Filològica de l’Institut d’Estudis Catalans.
Sa limba catalana, duncas,  s’atualizat cun àteros tèrmines chi pertocant àmbitos de sa connoschèntzia gasi diferentes che a  sas sièntzias de sa salude, s'arte e s'architetura, sas sièntzias de sa vida, s'economia e s'impresa, s'istatìstica.
Sos tèrmines sunt giai publicados in su Diari Oficial de la Generalitat de Catalunya  
e si podent consultare in su situ informàticu de su  TERMCAT, tràmite sa Neoloteca
(http://www.termcat.cat/neoloteca).

# Sarvadore Serra

 

#Sarvadore Serra

» in segus