bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Una manifestatzione in favore de su piemontesu

L'at ammaniada s'assòtziu "Gioventura Piemonteisa"

Comente istrutura s'idioma piemontesu faghet parte de su  sistema linguìsticu italianu. Duncas, a rigore, diat chèrrere cunsideradu unu dialetu, e no una limba a parte comente, pro nàrrere, su sardu o su friulanu.

Ma sos de s'assòtziu Gioventura Piemonteisa no la pessant gasi. Issos ant ammaniadu una manifestatzione de protesta in dae in antis de su Cussìgiu Regionale pro pedire su reconnoschimentu de su piemontesu comente limba ufitziale.

Narat Jean Michel Novero, dirigente de s'assòtziu: "Semus falende in pratza ca nos intendimus discriminados a cunfrontu de àteras minorias linguìsticas. Est arribbada s'ora de sos fatos a pustis de deghe annos de promissas dae bandas de sos polìticos".

Ite nàrrere de prus? Forsis b'at de agiùnghere chi sos sardos semus prus assortados de sos piemontesos, ca tenimus sa L.R.26/97 e la L. 482/99. Ma no mi paret chi semus isfrutende comente si tocat sas possibilidades chi nos dant custas leges.

# Sarvadore Serra

Cumpartzi custa noa cun sos amigos tuos

#Sarvadore Serra

» in segus