bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


A nch'inserire sas limbas natzionales in su sistema iscolàsticu de Angola

Lu cheret sa ministra de sa cultura Rosa Cruz e Silva

Sa ministra de sa Cultura de sa Repùblica de Angola, Rosa Cruz e Silva, at difesu sa netzessidade   de indroduire  sas limbas natzionales de su paisu in su sistema iscolàsticu, pro nd'agiuare s'istùdiu e s'isvilupu.
 

At naradu custu  in sa tzerimònia de abertura de   s'Addòviu Natzionale  subra de sas Limbas Natzionales, chi ant fatu in custas dies in sa tzitade de Uje, e chi teniat comente argumentu "s'unidade in sa diversidade".


"Sa mègius manera de valorizare sas limbas natzionales est s'integratzione issoro in su sistema iscolàsticu, in ue sa diversidade linguìstica non devet èssere resone de discriminatzione pro nemos",  at pretzisadu Cruz e Silva

In Angola, l'ammentamus, in prus de su portughesu chi est ufitziale, si faeddant limbas africanas medas, su prus bantùs.
 

# Sarvadore Serra


#Sarvadore Serra

» in segus