bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


S'Unione Europea agiuat sa limba italiana

In càmbiu, non dat perunu agiudu a sa limba sarda

Sa Cummissione Europea at detzìdidu  de agiuare s’ Universidade  de s'Isvìtzera  Italiana a  promòvere  s'italianu in intro de sa  Cunfederatzione. Cun s'obietivu  de difùndere  sas limbas euopeas chi si insinnant prus pagu  e si faeddant prus pagu, preparende  sos istudentes universitàrios  suta de su profilu linguìsticu e culturale, Bruxelles at a finantziare sos cursos  intensivos  de limba italiana EILC (Erasmus Intensive Language Courses), riservados a sos  istudentes chi sighint  su programa de cuncàmbiu  Erasmus. Sas letziones las ant a fàghere  in sos campus de Lugano e de Mendrisio e ant a fàghere aumentare sos cursos de limba  italiana chi s’USI proponet cada annu a totu  sos istudentes, collaboradores e professores, dae su livellu de sos imparaditzos  a su livellu  avantzadu.
 
Dae s'annu acadèmicu  2011-2012, difatis,  s'Isvìtzera  leat  parte  in manera ufitziale  in sos programas de istùdiu  europeos (Lifelong Learning e Youth in Action) gràtzias a un'acordu  bilaterale subra de s'educatzione firmadu cun s’Unione Europea.

In pagas paràulas, s'Unione agiuat s'italianu ca est una limba chi si insinnat pagu e si faeddat pagu,  ma  non pessat  de agiuare una limba  a beru in perìgulu comente su sardu.


#Sarvadore Serra

» in segus