bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Su programa "Oportunidades" pro sas limbas indìgenas de su Mèssicu

Cunsinnados sos tzertificados a 27 promotores in sas limbas maya, tzotzil, chole e tzeltal

Su responsàbile de su programa federale "Oportunidades" at cunsinnadu in Oxchuc (Chiapas, Mèssicu)  bintisete tzertificados de calidade  a promotores sotziales chi traballant in giassos in ue b'at indìgenos medas.

Salvador Escobedo Zoletto, coordinadore natzionale de su programa, at postu in craru chi sa tzertificatzione “est unu passu a dae in antis  in favore de sa  populatzione, mescamente indìgena, chi tenet sos indicadores prus artos de marginatzione  e disegalidade”.

Ocannu  prus de 100 milliones de pesos ant a èssere investidos  in Oxchuc: su prus de su finantziamentu l'ant a destinare a sas bursas de istùdiu.

Zoletto at naradu chi como Oportunidades tenet  200 promotores bilìngues chi, pro otènnere sa tzertificatzione, devent èssere esaminados  cun s'istandard de cumpetèntzia aprovadu dae su Consejo Nacional de Normalización y Certificación de Competencias Laborales (CONOCER).

In sa tzerimònia,  in ue ant dadu  su reconnoschimentu a  ses promotores in limba maya, chimbe in tzotzil, tres in chol e su restu  in tzeltal, fiant presentes Socorro Zavaleta Cruz, delegada in Chiapas de sa "Secreteria de Isvilupu Sotziale" (Sedesol), sa presidenta munitzipale de custu munitzìpiu Cecilia López Sánchez, Jesús Caridad Aguilar Muñoz, segretàriu de "Pòpulos  e Culturas Indìgenas de su Chiapas" (PCICH), Javier López Sánchez, diretroe de s' " Istitutu Natzionale de sas  Limbas Indìgenas (INALI).

In su messàgiu a sos tzitadinos   de Oxchuc, de ue est  oriundu, Javier López Sánchez at naradu: “Leo profetu pro bos ammentare que sa lege generale de sos deretos linguìsticos  narat in manera crara,  dae su 2003, chi s' ispagnolu, sas limbas indìgneas  e finas sa limba de sos sinnos  sunt limbas natzionales, est a nàrrere chi, pro sa prima bia in s'istòria de su Mèssicu tenent totus su matessi status”. Isse, tando, at bantadu meda su traballu chi Oportunidades at fatu pro operare in sas limbas maternas de sos destinatàrios, impitende, duncas, finas sas limbas indìgenas.

 


#Sarvadore Serra

» in segus