bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Dae su 2012, sos iscolanos framengos ant a èssere trilìngues

In Flandra, prima limba su neerlandesu, pustis su frantzesu e s'inglesu.
E in Sardigna? Arriscamus de èssere monolìngues petzi... in italianu!

Cumintzende dae s'annu iscolàsticu 2013-2014, sos iscolanos de Flandra ant a dèvere imparare in manera obrigatòria s'inglesu, sa de tres limbas, a pustis de su neerlandesu (prima limba) e de su frantzesu. Est su chi at detzìdidu Pascal Smet, ministru de s'educatzione, e aprovadu su guvernu framengu. «Unu Framengu non devet èssere bilìngue, ma trilìngue», at afirmadu Smet.

 

Sa detzisione devet galu otènnere su cunsentimentu de su Cussìgiu framengu de s'insinnamentu (Vlor), in antis de colare a su parlamentu pro sa ratìfica.

 

In prus de sas tres limbas,, sas iscolas framengas ant a pòdere propònnere s'imparòngiu de sas àteras limbas de s'Europa e, gasi etotu, de sas limbas de sos istados in isvilupu mutidos BRIC (Brasile, Rùssia, Ìndia, Tzina).

 

Pascal Smet no at pèrdidu s'ocasione pro manifestare s'ispantu suo pro sa mancàntzia de obrigatoriedade de su neerlandesu comente segunda limba in sas iscolas francòfonas de sa Vallònia.

 

Custu pessu de sos framengos est una risposta coerente e paghiosa a chie cheret semper contrapònnere s'impreu de una limba oramai internatzionale che a s'inglesu a s'impreu de sa limba natzionale.

 

E nois in Sardigna? Arriscamus de èssere monolìngues in italianu e semus galu in s'isetu de imparare su sardu in iscola.


#Diegu Corràine

» in segus