bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Acordu intre Amazon e Mondadori pro sos libros digitales in italianu

Pro ite a non fàghere una cosa gasi  finas in sardu?

Amazon aberit sa ghenna a sos libros digitales in limba italiana. Su colossu de  Jeff Bezos s'est giai postu de acordu cun su grupu  Mondadori. S'acordu previdet  de pònnere a disponimentu  de sos utentes su Kindle de unos  duamìgia tìtulos de sas sotziedades editoriales Mondadori, Einaudi, Sperling & Kupfer e Piemme. Pro sa distributzione  b'ant a èssere sas prataformas  de Amazon.co.uk, Amazon.de e Amazon.com. Intro de nadale ant a pònnere in catàlogu  àteros milli libros digitales, contende sas novidades  de atòngiu e ierru. S'obietivu decraradu  de su grupu  Mondadori est su de nche cròmprere  a sos otomìgia libros  intro de s'agabbu  de su 2012.

Giai dae su mese de ghennàrgiu  de ocannu Mondadori at fatu  una polìtica  de distributzione cuntemporànea de sas versiones in pabiru e digitales pro totu sas novidades printzipales, punnende a intrare  a regìmene prenu in su  2012. Su vitzepresidente e amministradore delegadu de Mondadori, Maurizio Costa, at craridu  chi « in su mercadu de sos libros digitales Mondadori tenet s'idea  de fàghere a ghia, e semus seguros chi su 2012 at a singiare su cumintzu  a ritmu prenu de custu mercadu  chi tenet  potentzialidades mannas  finas in su paisu nostru e chi, a pustis de un'annu de istùdiu e isperimentatzione, est prontu a  esplòdere».

Nois in Sardigna non  podimus si no abbaidare cun interessu a custa novidade. Essende su sardu una limba chi est istada negada e "segada" pro sèculos, e chi devet recuperare in pagos annos su tempus pèrdidu, sas tecnologias modernas podent e dèvere èssere un'agiudu mannu in custu traballu. Duncas, bene bènnidu finas su libru digitale si si faghet finas in sardu.


#Sarvadore Serra

» in segus