bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Chi su corsicanu siat limba ufitziale de s'ìsula

Lu pedit s'Assemblea de Còrsica

S'assemblea de Còrsica at aprovadu  cun una majoria manna (trintases votos in  favore e ùndighi contra) su documentu intituladu “Fogliu di strada lingua corsa", in ue  si proponet chi su corsicanu siat limba ufitziale de s'ìsula  e chi  godat  de unu status de coufitzialidade in totu sos àmbitos. Como unu grupu de funtzionàrios at a traballare  a fùrriu  de s'aplicabilidade de una proposta chi faghet nàschere  chistiones giurìdicas e costitutzionales de importu (diat tocare a cambiare sa costitutzione  frantzesa) pro presentare su progetu  definitivu a fines de su 2012.

In su documentu, presentadu dae su cussigeri Pierre Ghjonga, b'at iscritu chi su corsicanu  devet tènnere una presèntzia prus forte meda in totu sos àmbitos  de sa vida in Còrsica, mescamente in s'istrutzione (in ue si proponet  s'immersione linguìstica), ma finas  in campos  che a  sas tecnologias noas, s'amministratzione e sos mèdios de comunicatzione.

Una lege simigiante a custa aiant proadu a la fàghere aprovare in su 2009, ma sa majoria unionista chi b'aiat tando l'aiat fata ritirare. Como, cun sos resurtados bonos  chi sas fortzas natzionalistas  ant tentu in sas ùrtimas eletziones  de su 2010, b'at àpidu sa possibilidade de aprovare su documentu.

 

 



#Sarvadore Serra

» in segus