bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Su guvernu bascu contra a su guvernu frantzesu

Crìticas a Parigi ca non difendet sas limbas minoritàrias

Sa vitzecussigera  de Polìtica Linguìstica de su Guvernu Bascu, Lourdes Auzmendi (in sa fotografia) at afirmadu  chi su Guvernu frantzesu non faghet una polìtica linguìstica pro agiuare sas limbas minoritàrias de su territòriu suo, e   no at galu ratificadu  sa Carta Europea de sas Limbas.

L'at naradu in su  'Primu Addòviu  Europeu de Giòvanos chi faeddant  Limbas Minoritàrias' chi ant fatu in sa capitale basca Vitòria.

In particulare, issa at denuntziadu su fatu chi "galu b'at  comunidades a curtzu nostru chi sunt arrischende de iscumpàrrere", e in mesu de custas b'est "su Paisu Bascu-Frantzesu" . 

Sa situatzione est mègius in s'Istadu ispagnolu,  ca su Guvernu at ratificadu sa Carta Europea de sas Limbas:  in Euskadi, pro nàrrere,  su 75 % de sos giòvanos connoschent  s' euskera, finas si  s'impreu suo "si reduit meda", "dipendende dae sos  àmbitos in ue  sos giòvanos  si moent".

A pàrrere de Auzmendi, sa tolleràntzia  est una de sas caraterìsticas comunas de sa pluralidade, "ca sas limbas mai si sutraent, sas limbas semper si sumant".  "Cando essit a campu una limba, non s'elìminat s'àtera, ma si b'agiunghet", at asseguradu.


#Sarvadore Serra

» in segus