bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Una gramàtica de sa limba ibinda

L'ant presentada in s' Universidad Lusíada de Angola

S' ibinda (finas kibinda, chibinda, tchibinda)  est unu limbàgiu o grupu dialetale bantù chi si faeddat in sa provìntzia e exclave angolana de Cabinda.

Unu libru subra de sa gramàtica de custa limba, chi s'intìtulat "Gramática elemental Ibinda", l'ant presentadu in sa capitale de provìntzia omònima in s'auditorium  de s'Universidad Lusíada de Angola.

Su libru, de 68 pàginas, l'at iscritu su preìderu catòlicu  José Silvino Mazunga e l'at publicadu Mayamba-Editora.

S'òpera l'at presentada  Padre Jorge Casimiro Congo, chi at bantadu s'initziativa de s'autore, narende chi est unu cuntributu a s'istùdiu e afirmatzione de sa  cultura ibinda.

Pro sa segretària provintziale  de istrutzione, sièntzia e tecnologia, Berta Marciano, su traballu de  Padre Mazunga est un'agiudu mannu, in custu mamentu chi su Ministèriu de s'istrutzione  nch'est ponende sas limbas natzionales de Angola in su sistema educativu.


#Sarvadore Serra

» in segus