bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


S'interessu pro su latinu e su gregu est creschende

Cada annu b'at cursos de istade pro imparare custas limbas

S'interessu pro su latinu, e gasi etotu pro su gregu, est creschende in mesu de sas levas noas. L'ischit bene don Manlio Sodi, presidente de sa Pontificia Accademia di Teologia e decanu de sa Facultade de Lìteras clàssicas de s'Università Pontificia Salesiana,  chi dae su 2005 est ammaniende cursos de istade (intensivos) de latinu, gregu e italianu (pro istràngios).Ocannu cumintzant  su  22 de austu e agabbant su 23 de cabudanni. Dae lunis a chenàbura, bator oras a die, immersione totale in sa limba de sos babbos.Costat 450 èuros.
«Sunt cursos abertos a totus - crarit don Manlio - e apretziados meda  dae chie est a puntu de cumintzare  s'universidade  e finas dae sos litzeales chi devent torrare a cumintzare s'iscola  e tenent bisòngiu de aprofundimentos.  Su mètodu est progressivu. Sas classes (ses, oto alunnos màssimu) sunt formadas  pro grados de cumpetèntzia  A sos iscolanos  si faghet una proa de intrada  de verìfica».
Ma pro ite custu interessu  pro su gregu e su latinu? «Sas limbas latinas e gregas sunt sa crae essentziale pro cumprendere sa traditzione nostra. Est unì'interessu chi at pervàdidu non s'Europa ebbia ma finas sa Tzina e sos paisos asiàticos in generale.Pròpiu sos tzinesos sunt sos prus interessados a sa   cultura latina. Amus ammaniadu  unos cantos addòvios e cuncàmbios cun s'universidade de Pechinu. Sa passione pro sa limba latina  s'est torrada a allùere finas cun sa torrada a sa missa in latinu».
Ite nàrrere de prus? Forsis custa globalizatzione famada no est gasi una cosa sena remèdiu.  Forsis a s'atzione massificadora manna de custos tempos currispondet una reatzione aguale e contrària, chi punnat  a pònnere in contu alternativas a su "pessamentu ùnicu".



#Sarvadore Serra

» in segus