bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Unu progetu pro sas comunidades in ue colat su Caminu de Santiago

L'at cofinantziadu s'Agentzia de sa Cultura de sa Cummissione Europea

Estudio de Filología Aragonesa (Academia de l'Aragonés) leat parte, paris cun sa  Xunta de Galicia, s' Instituto Navarro del Vascuence, Euro-cat, Universidade de Toulouse, Universidade de Kiel e Ufìtziu de sa Limba Brètona, in unu progetu  europeu cofinantziadu dae s' Agentzia de sa Cultura de sa Cummissione Europea pro agiuare, ispainare e dare dinnidade  a sas limbas e culturas minoritàrias de sas Comunidades in ue colat  su Caminu de Santiago.
Su progetu  tenet una durada de duos annos e unu costu totale de  373.500 de èuros, chi su  50% lu ponet s'Agentzia e s'àteru 50% sos entes partetzipantes.
In programa b'at  s'abertura  de unu Portale informàticu multilingüe subra de sas limbas  minoritàrias e su Caminu de Santiago e una Espositzione itinerante chi si narat Diversidade Culturale e Linguìstica  in su Caminu de Santiago, de ammaniare   in unos cantos puntos de su caminu, dae Germània finas a Galìtzia. 
In programa b'at finas s'ammaniòngiu, in su mese de santugaine, in Santiago de Compostela, de unu Cungressu cun su tìtulu "Europa in sas limbas e in sas culturas suas", cun rapresentantes de sas istitutziones pùblicas e  privadas chi traballant  in su promovimentu  e in sa  difusione de sas limbas  minoritàrias in sos territòrios in ue colat su caminu  de Santiago.
Estudio de Filología Aragonesa (Academia de l'Aragonés) leat parte in  custu progetu, faghende sa tradutzione in aragonesu de totu sos testos e ammaniende pannellos, volantinos e comunicatziones informàticas subra de su caminu de Santiago in Aragón e subra de sa situatzione de sa limba aragonesa.  Custa est sa prima bia chi sa Proposta Ortogràfica de su Estudio l'impreant  cun projetzione internatzionale.
Su progetu previdet finas sa nàschida de una Rete europea de agentes culturales e de unu Pranu istratègicu de sa rete europea de agentes culturales, chi nd'ant a fàghere parte  sas entidades promotoras de su progetu e àteras chi si bi chèrgiant agiùnghere, cun sa finalidade comuna  de sa defensa e promovimentu  de sas limbas minoritàrias in Europa.

Ligàmene: http://xornalgalicia.com/index.php?name=News&file=article&sid=77831


#Sarvadore Serra

» in segus