bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Sos istudentes ladinos mègius de sos tedescos e de sos italianos

Su trilinguismu los agiuat in sos esàmenes

Su Centro di competenza lingue de sa Libera Università di Bolzano (Lub) at presentadu sa sìntesi  de s'anàlisi linguìstica  in sas proas de ladinu, italianu e tedescu fatas dae sos istudentes de sas classes cuintas de sas  superiores ladinas. E sos resurtados  cunfirmant sa calidade  de su modellu iscolàsticu de su logu.
Su chi  s'istatìstica asètica  de s' Astat provintziale aiat giai afirmadu analizende sos datos  de s'esàmene  de bi e trilinguismu de su 2010,  est a nàrrere chi in mèdia  sos candidados  de limba materna ladina nche colant s'esàmene  de connoschèntzia  de sas tres  limbas provintziales in pertzentuale belle dupla cunforma a sos de sos àteros  duos grupos  linguìsticos, como est proadu finas in manera sientìfica  dae s'anàlisi linguìstica cummissionada a su Centro di competenza lingue de sa LUB subra de sos elaborados iscritos de sas proas  de ladinu, italianu e tedescu fatas dae sos istudentes de sas cuintas superiores  ladinas in sos temas  prus isseberados dae sos collegas issoro  de limba materna  italiana o tedesca in sos esàmenes de maturidade.
Comente crarit  sa professora Rita Franceschini, diretora de su tzentru, custa anàlisi at cunfirmadu chi « sa cumpetèntzia  de sas tres  limbas provintziales otenta dae sos istudentes  de sas iscolas ladinas in  s'agabbu de s'iscola de s'òbligu est de livellu òtimu e,  in unos cantos paràmetros, comente, pro nàrrere,  in sa calidade e richesa verbale, intesa comente variedade de verbos impreados, arribbat foras male  a superare sas cumpetèntzias de sos istudentes de limba materna».
Est sa cunfirma, cun base sientìfica, de sa calidade bona de su modellu de   insinnamentu trilìngue elaboradu e aplicadu   dae s'iscola ladina chi, gràtzias  a su ladinu impitadu comente  limba ponte, cunsentit   s'aprendimentu  e s'aprofundimentu  de sas àteras duas limbas  sena  penalizare sa cumpetèntzia  de sa limba materna . 

Ligàmene: http://altoadige.gelocal.it/cronaca/2011/06/02/news/preparazione-linguistica-ladini-al-top-4346230

#Sarvadore Serra

» in segus