bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


S'eurodeputadu Ramon Terrosa difendet sa limba catalana in un'interrogatzione a  sa Cummissione Europea

Nemos, in càmbiu, difendet sa limba sarda

S'eurodeputadu  de CiU in su Parlamentu Europeu, Ramon Tremosa (in sa fotografia), at pregontadu  a sa Cummissione Europea ite mesuras est pessende de leare a propòsitu  de “s'eliminatzione cumpreta de s'immersione  linguìstica in sa  Comunidade Valentziana”, espressione di un'ofensiva de su guvernu valentzianu  contra a s'impreu de sa limba catalana/valentziana in s'iscola.
 
Tremosa, chi at presentafdu custa interrogatzione de acordu  cun su  Bloc Nacionalista Valencià e cun  s’Escola Valenciana, cheret ischire dae su Cummissione “ite mesuras est pessende de leare  pro chi sos tzitadinos valentzianos  sigant a godire  de sas matessi garantzias e fatzilidades de atzessu  a sas limbas minoritàrias  de su restu de sos tzitadinos europeos”.
 
Gasi etotu, s'eurodeputadu  at pregontadu a sa Cummissione si pessat chi su torròngiu in palas  in s'impreu de su valentzianu/catalanu in s'insinnamentu de sa Comunidade Valentziana " rispetat s'ispìridu  de sa Carta Europea de sas  limbas regionalese minoritàrias”.
 
A su chi narat Tremosa, su progetu de decretu  presentadu dae su  cussigeri valentzianu pro s'educatzione  suponet “unu minimòngiu craru  de sa pertzentuale  de insinnamentu in valentzianu  a unu màssimu  chi mai nch'at a pòdere colare  su 50%”, e custu presuponet, in  pràtica,  s'eliminatzione de s'immersione linguìstica  in sa comunidade valentziana.

Custu pro su catalanu. A dolu mannu, non nos resurtat chi calicunu siat difendende  sa limba sarda in sas istitutziones europeas


#Sarvadore Serra

» in segus