bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Catalan TV in S'Alighera

Unu beranu nou pro sa limba catalana

Est finas gràtzias  a Catalan Tv chi in S'Alighera sa limba catalana est connoschende  unu beranu nou. Efetu craru de custu sunt sos apuntamentos culturales medas organizados in tzitade. Dae sos ispetàculos de mùsica  a sos apuntamentos culturales finas a sos cuncàmbios, semper prus fitianos, cun sa Catalugna, afortidos dae sa presèntzia  de sa sede de sa Generalitat.

Fiat su 2004 cando su logotipu  de Catalan Tv est essidu pro sa prima bia in sos ischermos. E sigomente, cunsideradu su caràtere localìsticu  de s'impresa, non si podiat pessare de resessire a prenare  unu palinsestu,   a calicunu li fiat bènnda s'idea, de seguru binchidora, de dare logu a sa mùsica cantada in aligheresu dae musitzistas e autores locales. A abèrrere sos ballos,  una cassita cun tres cantzos  de Pinu Piras,  artista chi in s'època nche lu fiant belle ismentighende.

Est istadu Robertu Lampis, responsàbile tècnicu atuale  e regista de sa tv, a cussigiare a s'editore, s'azienda Mediaweb de su grupu  Giorico, de atuare  una programatzione fundada in imàgines, vìdeos cun sutafundu musicale. Una casta de ràdiu  tv chi sa resessida sua  s'est notada deretu  dae sa  cantidade de materiale chi li cunsinnaiant  pro otènnere una difusione ampra. Custu càpitat finas como, cando immitent in rotatzione sena pasu produtziones noas e finas mùsicas chi non s'agatant prus, belle petzos de colletzione,   .

Totu custu  at fatu a  humus pro fàghere difùndere  sa mùsica, sa cultura e, duncas, sa limba catalana. Oe, de su restu, sas manifestatziones sunt naschende  unu pagu che a s'antunna, e sos de Catalan Tv narant chi sunt cuntentos mannos de àere agiuadu  custa rinàschida. 






#Sarvadore Serra

» in segus