bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Unu status ufitziale beru pro sa limba basca

Lu cheret sa formatzione polìtica Bildu

Bildu (A si riunire, in limba euskera ) est una coalitzione eletorale chi faghet parte de su denominadu polu soveranista de manca e indipendentista bascu, formadu dae sos partidos Eusko Alkartasuna e Alternatiba, sos agrupamentos Herritaron Garaia e Araba Bai  e  àteros indipendentes abertzales (patriòticos, in limba basca) e de manca.  

Bildu at cunsideradu  "imprescindìbile" unu cuadru nou in ue s'euskera otèngiat unu status ufitziale beru "in totu s' Euskal Herria" e at iscummissu subra de un'impulsu  a una polìtica linguìstica noa e a unu protzessu de normalizatzione  de sa limba basca. In custu sensu, at rimarcadu chi "s'època de sa minorizatzione de s'euskera devet agabbare".

Sos portaboghes  de sa candidadura  de Bildu in Gipuzkoa Iñaki Agirrezabalaga e Ander Rodríguez, paris cun cumponentes  de sa lista de Bildu in sa Comuna  de Oiartzun, ant leadu parte in una manifestazione eletorale in custu munitzìpiu  guipuzcoanu in ue ant postu in evidèntzia  su traballu  de s'assòtziu  de  munitzìpios euskaldunos UEMA.

Agirrezabalaga at pedidu  a sas comunas de sas localidades guipuzcoanas chi cumprant sos recuisitos  de UEMA pro su recùperu e sa normalizatzione de s'euskera. In prus, at postu in evidèntzia  chi " a bètia de totu sos ostàculos " UEMA at dadu  unu "cuntributu mannu" a sa normalizatzione  e a s'impreu  de sa limba basca.

In custa manera, at iscummissu  in su superamentu  de sa situatzione de s'eukera  comente limba minoritària e in s'afortimentu de s'usu suo siat in s'àmbitu polìticu siat in  s'àmbitu sotziale e de traballu.


#Sarvadore Serra

» in segus