bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Su dialetu sitzilianu in iscola

Su parlamentu regionale at aprovadu una lege apòsita

Dae s'annu chi benit in Sitzìlia b'est  s'insinnamentu de su dialetu, de s'istòria  e de sa literadura sitziliana. S’Assemblea regionale at aprovadu una lege apòsita cun 45 votos in  favore. Como tocat  a s’assessore regionale a sa Formatzione, Mario Centorrino, a cuncordare cun sos organismos iscolàsticos  sas formas de aplicatzione de  sa lege in sas iscolas, cun su cointeressamentu  de dirigentes  e dotzentes.

 ”Semus fieros de sa cultura nostra  e de sas traditziones nostras. Pro custu nde so mannu  de custa lege chi vardat su patrimòniu istremenadu nostru  istòricu e literàriu  e ponet sas premissas  pro lu fàghere  parte integrante de sos protzessos formativos  de sas levas noas. So seguru  chi est cun custa cussèntzia  chi su parlamentu at aprovadu su disinnu de lege  propostu dae Nicola D’Agostino pro s'istitutzione de unu mòdulu didàticu  subra de s'istòria, sa literadura e su patrimòniu linguìsticu  de sa Sitzìlia” at naradu su presidente de sa Regione, Raffaele Lombardo.
“Fundamentale pro sos giòvanos sa connoschèntzia  de s'istòria  e de sas traditziones” finas pro su  vitzepresidente vicàriu de su  Grupu de su Pdl in s’Ars, Salvo Pogliese. Chi agiunghet : “A èssere fieros de sas raighinas pròpias  est sa megius testimonia de sa valèntzia  culturale de unu pòpulu”.
Pro Titti Bufardeci, presidente de su grupu de Forza del sud in s'Ars “custa lege  non faghet si no regulamentare  unu disponimentu  chi su guvernu istatale  at diramadu  e est  importante pro fàghere connòschere in sas iscolas sitzilianas  s'istòria e sa limba sitziliana. Sos giòvanos sitzilianos devent connòschere  e apretziare  sa cultura e su dialetu  pro los sarvare dae s'olvidu”.


#Sarvadore Serra

» in segus