bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Crompet duos annos sa pàgina initziale in limba ladina

Est in su situ www.provinzia.bz.it/uspl de sa provìntzia de Bolzano/Bozen

Crompet in custas dies sos primos duos annos de atividade sa pàgina initziale in limba  ladina in ue si illustrat s'atividade de sa giunta provintziale de Bolzano/Bozen. In su  situ www.provinzia.bz.it/uspl si podent agatare, in prus de sos comunicados istampa, finas filmados, intervistas e registratziones àudiu in ladinu pro su chi pertocat  s'atividade  de sa Giunta e de s'amministratzione pùblica.

Custa initziativa  est pràghida meda a beru  a sa populatzione de limba ladina: dae sa creatzione sua sa pàgina informàtica  at registradu difatis 71.850 intradas, cun una mèdia mensile chi s'est atestada  a fùrriu de sas  3140 unidades.

S'assessore provintziale a s'iscola  e cultura ladina, Florian Mussner, ponet in craru chi custa pàgina  rapresentat una fonte importante de informatziones a propòsitu de s'atividade de sa giunta provintziale  e, in su matessi tempus,   cuntribuet  in manera rilevante a mantènnere bia  custa limba antiga.

#Sarvadore Serra

» in segus