bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


In defensa de su patsuezu

Naschet un'assòtziu pro agiuare custu idioma asturleonesu

A creare un'assòtziu de iscritores  pro difèndere  e dare vitalidade  a sa produtzione literària  in patsuezu e agiuare sa presèntzia sotziale sua. Est una de sas propostas chi sunt essidas a campu in su I Alcuentru d’ escritores na nuesa l.lingua, chi ant fatu in custas dies in sa  Casa de Cultura de Villablino, tzitade de sa Comunidade autònoma de Castilla y León, Istadu ispagnolu.

Su patsuezu est un'idioma chi faghet parte de su grupu linguìsticu  asturleonesu.  Lu  faeddant mescamente in sa comarca leonesa de Laciana, e s'estendet  in sas comarcas e in sos munitzìpios limìtrofos (Degaña , in sas Astùrias; in Leòn: comarca de Babìa , comarca de Rivas del Sil  e Pàramo del Sil).

S'idea est a  pedire  a su guvernu regionale de  Castilla y León chi, cunforma a sa  Carta Europea de sas limbas minoritàrias e regionales, si introduat  sa ‘nuesa l.lingua’ ( est a nàrrere su  patsuezu) in s'insinnamentu, in forma voluntària e graduale. Sighende custa matessi lìnia, ant a pedire a s'istitutzione munitzipale sa realizatzione  de cursos in patsuezu e s'ammaniòngiu  de materiales pro sos pitzinnos. Sa creatzione de materiales sonoros e audiovisivos , su recùperu  de sa  toponimia traditzionale, mescamente “nas calles ya barrios”, e finas  su promovimentu  de s'atividade treatrale  in ‘na nuesa l.lingua’, sunt àteras rechestas  chi ant a fàghere a sa comuna de Villablino.


In s'addòviu ant leadu parte Julio Álvarez, Emilia, Riesco, Severiano Álvarez, Félix Suárez, Eduardo Carbajo, Guadalupe Lorenzana, Francisco Javier González- Banfi, Roberto González Quevedo e Emilce Núñez.
In s'ocasione ant presentadu su romanzu in patsuesu   ‘Una tarde d’outuenu’, de Emilce Núñez.  


#Sarvadore Serra

» in segus