bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Sos francòfonos de Fiandra faghent ricursu a sas Natziones Unidas

Lamentant sa mancàntzia de rispetu de sos deretos linguìsticos issoro

Un'assòtziu  chi difendet  sos deretos  de sos francòfonos belgas chi  istant in sa comunidade neerlandòfona de Fiandra  at annuntziadu  chi at  presentadu  unu ricursu  a su Cussìgiu de sos Deretos Umanos de sas Natziones  Unidas pro "violatzione  de sos deretos umanos" in detrimentu de sos interessos suos

Su ricursu  si fundat  in su protzedimentu  1503, chi previdet  s'esàmene de lamentas dae bandas de custu organismu de s'ONU pro "violatziones flagrantes e sistemàticas de sos deretos umanos  ".

"Sa Fiandra est ponende a un'ala sa populatzione francòfona", at cummentadu Edgar Fonck, diretore de s'Assòtziu  pro su promovimentu  de sa  Cultura Francòfona in Fiandra.

"Si nos callamus, cheret nàrrere  chi atzetamus  chi iscumpàrgiat una minoría in su paisu nostru", at agiuntu.

S'assòtziu  càrculat chi unos  370.000 francòfonos istant in Flandra, subra de una populatzione  de unos  6,2 millones de abitantes de custa comunidade  de su nord de su paisu  e pro una populatzione  totale in Bègiu de a fùrriu de 11 milliones.

Su grupu de defensa de sos francòfonos de Fiandra sutalìniat chi custa  comunidade de limba olandesa de su nord de su Bèlgiu non cheret firmare sa cunventzione-cuadru subra de sa protetzione  de sas minorías natzionales de su Cussìgiu de Europa, sa cale, belle gasi, est istada firmada dae su guvernu federale belga in su 2001.

Su Bèlgiu, partzidu  in duas comunidades polìticu-linguìsticas printzipales, sos francòfonos de Vallònia, in su sud, e sos  neerlandòfonos de Fiandra, in su  nord, est dae prus de un'annu sena guvernu istàbile, a pustis de sas eletziones antitzipadas  de su mese de làmpadas de s'annu coladu.


#Sarvadore Serra

» in segus