bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Acuisitzione noa pro su "Centro per il dialetto romagnolo"

Collidas sas testimonias orales de Tullia Magrini

Acuisitzione noa  de importu istraordinàriu  pro su  Centro per il dialetto romagnolo de Casa Oriani: sa regorta de testimonias orales  de Tullia Magrini, professora de Antropologia de sa mùsica inche su Dams de Bologna dae su 1993 finas a s'iscumparta prematura sua  in su 2005, l'ant posta a disponimentu de su tzentru pro la fàghere fruìbile a su pùblicu .

Sas chircas  in Emìlia Romagna Tullia Magrini las aiat fatas mescamente  in sos annos setanta e otanta e las aiat dedicadas a s'istùdiu  de sas traditziones  musicales  in Romagna, in su fùrriu de Bologna  e in s'Apenninu  emilianu .

Duncas b'at registratziones noas chi s'agiunghent a sas chi sunt giai disponìbiles in su Centro per il dialetto romagnolo, chi non si nde podet fàghere a mancu si si cherent cumprèndere  in manera prena sos cambiamentos chi b'at àpidu  in sa mùsica de ballu  in custa  regione.

Sa regorta de registratziones de Tullia Magrini, chi sa digitalizatzione e catalogatzione sua in sa banca de datos informàticas de su tzentru l'at cuntzèdida cun praghere su maridu Loris Azzaroni, presidente de s' Accademia Filarmonica di Bologna,  s'agiunghet a sas de Giuseppe Bellosi e Alessandro Sistri.

 
Sa banca de datos de su Centro per il dialetto romagnolo si podet consultare in http://www.casafoschi.it,

 

#Sarvadore Serra

» in segus