bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Sa limba galitziana est creschende

Presentadu su rendecontu de sas atividades de su 2010

Sa Segreteria generale de Polìtica Linguìstica de Galìtzia at adotadu  in totu su  2010 prus de 100 mesuras relativas a unos cantos obietivos de su Plan Xeral de Normalización de la lengua gallega (PXNL), chi, in sos annos benientes, "ant a pòdere multiplicare  s'impatu issoro" cun sos istrumentos postos in campu  dae sa Giunta regionale. L'at postu in craru  su titulare de custu dipartimentu autònomu, Anxo Lorenzo (in sa fotografia) durante sa presentada  de su rendecontu  de sas atividades de s'annu coladu.

In mesu de sas initziativas printzipales, b'at sa Rede de Dinamización Lingüística, cun prus  de 70 comunas interessadas in "unu sistema de gestione " de sa limba "coordinadu" pro "garantire unu traballu prus funtzionale", chi Lorenzo cunsìderat "meda prus imprescindìble" in unu mamentu "de risorsas limitadas".

B'at àpidu finas riferimentos a sas initziativas  de trasmissione familiare de sa limba, comente sas  73 atvidades de sos 'Axóuxeres' o sas 800 de su  programa Bocaberta, chi òperant  in sas fascas de edade prus giòvanas e in su "pranu afetivu"

Lorenzo at ammentadu s'aprovatzione  e s'aplicatzione de su decretu  de su    plurilinguismu in s'insinnamentu  no universitàriu e sa distributzione  "echilibrada" de sas matèrias  in funtzione de sa limba, sena contare su  "coordinamentu e impulsu" de sos grupos  de dinamizatzione de sos tzentros, cun prus  de 800.000 èuros destinados a atividades diferentes.

In prus, acordos e addòvios cun sa  Confederación de Empresarios de Galicia ant permìtidu de traballare cun sas impresas  pro su promovimentu  de su galitzianu, e in su matessi tempus b'at àpidu prus de  de 300 cursos pro su personale amministrativu chi ant interessadu prus de  5.300 sugetos.

In fines, est istada fundamentale sa collaboratzione cun su  Centro Ramón Piñeiro para la Investigación en Humanidades , cun sa  Real Academia Galega e cun s' Instituto da Lingua Galega.


 


#Sarvadore Serra

» in segus