bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Fùbalu  e limba

Acordu pro su catalanu intre su Barça e  sa Plataforma per la Llengua

Sa Fundació del FC Barcelona e sa  Plataforma per la Llengua ant firmadu  un'acordu de collaboratzione pro realizare  unos cantos progetos comunos  relatzionados cun sa limba catalana.

S'acordu includet  unu progetu  de laboratòrios  formativos e s'elaboratzione  de una ghia  pràtica de agasàgiu linguìsticu in s'isport. L'ant firmadu, a un'ala,   Josep Cortada, Diretore Generale de sa Fundació FC Barcelona, a s'àtera, Òscar Escuder, presidente de sa Plataforma per la Llengua.
 
In cuncretu, su progetu  de sos laboratòrios includet s'organizatzione  de una proa  pilota e de chimbe laboratòrios de agasàgiu  linguìsticu de sa durada de duas oras, diretos  a sos professionistas chi traballant  in sos programas  de sa Fundació FC Barcelona in  Catalugna.
 
Pro su chi pertocat s'àtera parte de s'acordu, est a nàrrere s'elaboratzione de una ghia  pràtica de agasàgiu linguìsticu in su mundu de s'isport, custu libreddu  at a collire sas esperièntzias  de sos laboratòrios, e finas una sèrie de pràticas bonas in s'impreu de su catalanu.
 
Sa firma de custu acordu  rispondet a s'impinnu  de sa Fundació del FC Barcelona cun s'isport  comente   "istrumentu  efetivu pro s'educatzione e sa trasmissione de sos valores, contra a sa violèntzia  e a su ratzismu e comente elementu  chi agiuat  s'integratzione  in sa sotziedade nostra".

In custa lìnia, sa  Fundació del FC Barcelona tenet "un'impinnu craru  cun sa sotziedade  catalana in s'agiudu de sa  cultura e in sa defensa de sos valores de su tzivismu, de sa libertade  e de sa democratzia. Custu impinnu  si realizat  cun s'isvilupu  de atziones solidales, educativas e  culturales".


#Sarvadore Serra

» in segus