bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Limba gaèlica in Canadà

Sos pitzinnos de un'iscola de New Glasgow cantant s'innu natzionale iscotzesu

In s'ìnteri chi su restu  de sos istudentes  in Acadia Street School cantant O Canada cada mangianu, paràulas diferentes a beru  essint dae sas bucas  de sos istudentes  de sas classes prima e segunda de sa professora Joan MacDonald.

Issos cantant, in gaèlicu, s'innu natzionale iscotzesu.

Custu faghet parte de sos isfortzos  de MacDonald pro batire in classe  unu pagu de erèntzia iscotzesa. Macari s'istùdiu de su gaèlicu  fatzat parte in manera ufitziale  de su curriculum de sa  Nova Scotia, no l''insinnant in totu sas iscolas .

“Deo so crèschida  in una comunidade  in ue su gaèlicu si faeddaiat meda  e m'at semper interessadu”, narat  MacDonal ". Apo pessadu chi custa esseret una manera bona  pro cumintzare a lu fàghere connòschere a sos istudentes meos.”

"E", pretzisat, "lu sunt imparende in presse. Ischint contare finas a deghe, cumprendent sas paràulas fudamentales e sunt a tretu de cantare cantzones fàtziles".

"Si in casu calicunu no est bonu a lu faeddare, petzi a cumprèndere sas paràulas pronuntziadas dae àtere est su primu passu pro si fàghere bilìngues. Sos istudentes tenet s'edade prus adata pro imparare", agiunghet.

In Pictou County, in ue b'est 's'iscola, pessones medas, unu tempus, faeddaiant in gaèlicu. Ma custa limba, como, paret chi si nche siat morende. MacDonald faghet parte de unu grupu chi est traballende pro lu torrare a vida  e tenet letziones  de primu e segundu livellu  in New Glasgow. In mesu de sas àteras initziativas,  est amaniende unu libru de coghina in gaèlicu de publicare in maju,  su mese de sa cussèntzia gaèlica. 

#Sarvadore Serra

» in segus