bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Interventos pro sas minorias linguìsticas de sas provìntzias de Trento e  Bolzano/Bozen

Los at detzìdidos sa Regione Autònoma Trentino-Alto Adige/Südtirol

A promòvere  e a avvalorare sas limbas minoritàrias,  ponende in contu  sas populatziones interessadas,  e a cunsolidare sas identidades culturales ispetzìficas, afortende in sas minorias  sa cussèntzia  de su sensu de apartenèntzia issoro. Sunt sos obietivos chi tenet  sa Regione Autònoma Trentino-Alto Adige/Südtirol intervenende pro agiuare  sas initziativas  de  tutela e promovimentu de sas minorias linguìsticas. Sa  Giunta regionale, a proposta de s'Assessore Florian Mussner, at aprovadu sa cuntzessione de  finantziamentos a entes, istitutos e assòtzios chi realizant  progetos pro sa  tutela e su promovimentu de sas minorias linguìsticas regionales, comente prima parte de su 2011.
Pro sos sugetos chi òperant  in provìntzia de Trento ant istantziadu 453.150 de èuros, cando chi pro sos sugetos  chi òperant in provìntzia de Bolzano/Bozen, s'importu istantziadu est de 194.500 de èuros.
In totu  sunt 46 sas initziativas finantziadas. Semper in s'àmbitu  de sas  polìticas pro agiuare  sas minorias,  sa Giunta at istantziadu 169.200 de èuros pro su finantziamentu a comunas, entes, istitutos e assòtzios chi isvilupant initziativas supraprovintziales pro sa  tutela de sa minoria  linguìstica ladina. In custu àmbitu intrant unu finantziamentu de 91.000 de èuros  a s' Unione generale dei ladini delle Dolomiti pro imprentare  su  setimanale “La Usc di Ladins” e unu finantziamentu de 66.400 de èuros  a s’Associazione dei Comuni Ladini pro su progetu  “Interattività” finalizadu  a integrare sa prataforma informativa de sas comunas.



#Sarvadore Serra

» in segus