bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Ant a insinnare su dialetu sitzilianu in iscola

Sa proposta de lege aprovada dae sa Cummisione Cultura de su Parlamentu regionale

Su dialetu sitzilianu luego diat pòdere devènnere matèria iscolàstica.  Una proposta de lege in  propòsitu, firmada dae  Nicola D'Agostino, de su Mpa (Movimento per le autonomie), est istada aprovada a s'unanimidade dae sa Cummissione  Cultura de su Parlamentu regionale.  Custa proposta previdet, pro duas oras a chida, "la valorizzazione e l'insegnamento della storia, della letteratura e della lingua siciliane nelle scuole di ogni ordine e grado". 

S'iscritore Andrea Camilleri, chi dae su dialetu  at leadu a giuntas  pro caraterizare sos pessonàgios chi inghìriant  su cummissàriu Montalbano, abbàidat cun atentu  ma finas cun prudèntzia  a su disinnu de lege chi in maju diat pòdere èssere aprovadu   dae su Parlamentu sitzilianu: "Si abbarrat in intro de tzertas làcanas e no agiuat  istintos leghistas, giai andat bene. Pro èssere craros, diat èssere unu dannu a  legiferare s'obligatoriedade de su dialetu. Tenimus una limba, s'italianu, chi a su  90 pro chentu  est istada s'artèfitze  de s'unificatzione  de su  Paisu, e la devimus vardare. Sos dialetos sunt  una sienda manna  pro sa limba madre e gasi devent abbarrare. Esistent petzi ca b'at un'idioma  cumpartzidu dae totus. Pro nàrrere, in càmbiu de isrobbare  sas limbas istràngias  (bastat a bìdere s'abusu de anglismos  oe in die) diamus pòdere leare dae sos dialetos nostros pro innervare  s'italianu  e pro sarvare sa memòria nostra. E est su chi fatzo deo in sos romanzos meos".

Caminu lìberu dae Enzo Sellerio: "Mi paret una cosa giusta. Su dialetu  e s'aprofundimentu  de s'istòria nostra sunt  una pinna  contra a s'isorvimentu  de sa memòria. Tenimus bisòngiu  de tramandare su chi semus istados  e semus. A patu, però, de no ismentigare  chi sa Sitzìlia est  parte de unu cuntestu prus ampru  e, mescamente, a patu chi custu insinnamentu  non siat a dannu  de sa limba  e de s'istòria  de Itàlia".

S'onorèvole  D'Agostino est cumbintu chi sa lege  l'ant a aprovare intro de s'istade: "Non cumportat perunu aumentu de gastos  - narat - e , in prus, b'at una cunvergèntzia  trasversale in àula. In mesu de s'àteru, sena cambiare nudda in manera radicale, diamus pòdere bogare profetu dae su 20 pro chentu  de su monte oras  iscolàsticu chi sa lege  Moratti previdet pro s'autonomia didàtica in sos istitutos. Custa lege nos at a cunsentire de connòschere mègius  sa Sitzìlia, sa limba sua, e de aprofundire unos cantos aspetos  cuntierrosos de s'istòria nostra. S'istòria, cumintzende dae s'Unidade de Itàlia, no est comente nos l'ant contada, e duncas est giustu a operare  pro nos torrare a apropiare  de su chi nos tocat".


#Sarvadore Serra

» in segus