bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Su venetu reconnotu dae sa Lege istatale 482/99?

Proposta de lege de su Cussìgiu regionale de su Veneto

Su Cussìgiu regionale de su Veneto at naradu "EI" a sa proposta de lege presentada dae Mariangelo Foggiato (Unione NordEst) chi at a pedire a su Parlamentu italianu de modificare sa Lege 482/99 chi tutelat sas minorais linguìsticas istòricas, inserende·bi finas su vènetu.

Sa proposta est istada presentada a sa Comissione 6, chi l'at lissentziada cun favore, a majoria, su 06/10/2010.

Sa proposta de Foggiato est chi s'art. 2 de sa 482 siat cambiadu in:
"1. In attuazione dell'articolo 6 della Costituzione e in armonia con i princípi generali stabiliti dagli organismi europei e internazionali, la Repubblica tutela la lingua e la cultura delle popolazioni albanesi, catalane, germaniche, greche, slovene e croate e di quelle parlanti il francese, il franco-provenzale, il friulano, il ladino, l'occitano, il sardo e il veneto".

E pro ite nos su piemontesu, su lombardu, s'emilianu, su romagnolu, su toscanu, etc.?

Non tenimus nudda contra a sa tutela de limbas, limbàgios, dialetos, ma custos tentativos agiuant a indebilitare sa fortza istitutzionale de sas 12 limbas chi sunt giai tuteladas dae s'istadu italianu cun sa lege 482.

No est sa prima bia chi bi provant. Si sighit gosi e totus sunt "minoria", arriscamus de non tènnere formalmente peruna majoria chi nos dòminat. A dolu mannu, però, sa majoria chi dòminat b'est, e comente! S'italianu! Chi sighit in s'òpera sua de assimilatzione linguìstica contra a su sardu e a sas àtera limbas reconnotas. 


#Diegu Corràine

» in segus