bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


41 limbas sunt arrischende de iscumpàrrere in Tzina

Lu rivelat unu servìtziu giornalìsticu de China Radio Internacional

Su mesu de sas limbas de su mundu  sunt arrischende de iscumpàrrere, e in Tzina b'est su perìgulu chi mòrgiant  41 idiomas de grupos étnicos diferentes. Gasi ant naradu in unu servìtziu giornalisticu  de China Radio Internacional,  emitente tzinesa chi trasmiet in limba ispagnola, in  ue est intervènnidu su linguista famadu David Bradley (in sa fotografia).

Pro su chi pertocat sas  41 limbas in perìgulu in Tzina,  at afirmadu Bradley, si  tratat finas de s' “arriscu de pèrdere s'istòria nostra”.

“Cada bia chi una limba iscumparet, cheret nàrrere chi iscumparet totu sa connoschèntzia culturale de su pòpulu chi la faeddat”, at agiuntu Bradley, ponende  in craru chi s'espansione  de s'usu  de su ‘putonghua’ (tzinesu  mandarinu istandard ) est una de sas càusas  de s'estintzione de sas  limbas ètnicas minoritàrias.

“Su  ‘putonghua’ est gasi poderosu  chi totus lu cherent usare in Tzina , a dannu de sas limbas issoro. Duncas, b'at una tensione intre su deretu  a mantènnere sa limba pròpia  e su disìgiu  de fàghere parte de sa majoria”.


#Sarvadore Serra

» in segus