bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Sas  istitutziones sardas no ant fatu nudda  pro festare sa Die de sa limba materna.

Lu denùntziat, in unu documentu, su Comitadu pro sa limba sarda.

Su 21 de freàrgiu coladu fiat sa Die internatzionale de sa limba materna, proclamada dae sa Cunferèntzia Generale de s’UNESCO in su 1999 pro promòvere  sa  diversidade linguìstica e culturale e su multilinguismu. Sas istitutziones sardas, però, paret chi non si nde siant abbigiadas. A custu propòsitu, su Comitadu pro sa limba sarda nos at  imbiadu unu comunicadu chi publicamus

Ogetu: Agabbu de sa Die de sa limba materna 21 de freàrgiu 2011

Est agabbada dae pagos minutos sa Die internatzionale de sa limba materna chi si festat cada annu su 21 de freàrgiu.
Sas istitutziones sardas nudda ant fatu.
Finas sos indipendentistas e sos autonomistas, francu carchi apòstulu chi mantenet allutu su fogu, pagu meda faghent pro su sardu.
Sos fìgios nostros galu sunt dissardizados in s'iscola italiana in ue non b'at logu pro sa limba sarda, sa limba de sa Natzione sarda.
Su Comitadu at a sighire a gherrare pro sa limba sarda cun pagos mèdios e voluntade meda.
Sighide a iscrìere, a faeddare sa limba, e, finas si la connoschides pagu o nudda, non mancheis de pedire semper su deretu umanu printzipale de sos sardos: chi sa limba nostra siat ufitziale e insinnada in sas iscolas, dae s'asilu, a sos pitzinnos nostros.

#Sarvadore Serra

» in segus